IRAGARKIA

......UTZIZAK AIZKORIA TA HARTUZAK ZERRA-MOTORRA......

______Industrializazio aurretik esku lana zen nagusi. Oraindik teknologia ez zen ezagutzera eman eta norbere gaitasuna zen lan tresna nagusia. Esku lana eta norbere gaitasun, ahalegin eta indarraz baliatzen zen gizakia lana aurrera ateratzeko.

______Industrializazioarekin makina teknologia handiagoko gailuan bilakatu zen. Industria asko sortzen joan ziren eta pixkanaka makina izango da momentu hortararte gizakiari zegokion lanaren zati bat beregan hartuko duena. Lantegiak bizitzako potentzia bilakatu ziren eta gizartea bizimodu berrira egokitzen joan zen.

______Guzti honek bizitzeko ohitura eta moduen aldaketa ekarri zuen, aipatzekoak direlarik ordura arte ezagutzen ez ziren langile auzoak… Lantegiak gune isolatuan bilakatu ziren. Produktua eta produkzioa ziren industriaren muina eta konpetentziatik babestu beharrak harresi modura funtzionatzea ekarri zuen. Baita ere garrantzitsua zen langileak bere horretan gogor lanean jardutea eta lantegiak itxiak eta barrura begira bizitzeko sortuak izateak hauen gaitasuna edo kontzentrazioa areagotzen zuten, despisteeri biderik eman gabe. Hierarkia zen nagusi eta bakoitzak zuen bere lanerako tokia.

______Lantegien kokapena ere oso garrantzitsua zen. Hemen, lotura zuzena bait zuen lehengaien exportazio eta inportazioak. Ez zen arraroa lantegi asko beren lehengaien sortze lekutik gertu kokatuak topatzea. Honekin batera garrarioak ere garrantzi handia hartu zuen eta irisgarritasunak ere asko hobetu ziren. Ez da ahaztu behar industriak gure ingurunean paisaia berri bat sortu zuela.

______Askotan industriak irudi idiliko moduan azaldu izan dira, ibaiaren ondoan kokatuaz, paisai idiliko bateko partaide adieraziz. Baina ez da ahaztu behar kutsadura handia sortu izan dutela beti, eta berauen ondoko ibaiak ondakin hauen irtenbide modura erabiliak izan direla.

......EON HAI LO TA JANGOEK MEHE......

______Denboran zehar industriak bilakaera jasan du. Jada ez da nahikoa produkzio erritmoa mantentzea. Gero eta konpetentzia handiagoak izateak produktua nabarmentzea eta bakarra izatea eskatzen du. Beharrezkoa da produkzioaren abiadura handia izatea baina oraindik eta garrantzitsuagoa izango da produktua innobadore edo berria izatea.

______Produktua garatzen doan elementuan bilakatuko da, berritzaile izango da eta egoki erantzun beharko die egungo gizartearen nahiei. Horretaz gain, konpententziakoa baino hobeago, berriago eta bereziago izan beharko du eta guzti honetan nahitaezkoak izango dira beraren iragarki eta ebouzioa. Ez da nahikoa produktua berritzailea izatzea ez bada oraindik ezagutzera eman.

______Beraz, iragarkiak lantegi edo produktu baten produkzioan izango duen tokia nabarmentzekoa da. Produktuak gai izan beharko du ondoren etorriko denari aurre egiteko edo erantzuteko, ondorioz, industriak beti aurrera begira dauden elementuan bilakatuko dira beti ere teknologia izango delarik guztiaren gakoa.

......TEKNOLOGI EZ OTEA IZANGO DANAN GAKUA?......

______Inork ez daukagu etorkizunak ekarriko digunaren berri baina denok imaginatu dezakegu teknologia izango dela ondoren etorriko denaren guztiaren oinarri. Esan dezakegu makina izan dela industrializazioaren oinarria, produktuaren produkzioa ekarri duena, gizartearen motorra alegia.

......MOTOR CITY – KM0......

______Industrializazioak eta makinaren eboluzioak lantegien bilakaeran izan duten garrantzia nabarmendu eta omendu nahi izan da proiektu honen bitartez. Italieraz ibilgailua “macchina” da. Honek, mota honetako ibilgaiuen inbentzio eta garapenak kultura industrialean izan duen garrantzia adierazten du. Beraz, ibilgailua oinarri harturik eta etengabe bilakatzen eta produzitzen doan elementua dela kontutan hartuz, berau izango da “motor city” proiektuaren motorra. Izan zenaren aipamen eta etorkizunean teknologiak ekarriko duenaren islada hain zuzen ere.