“MOTOR CITY – KM0”
Lantegi edo fabrikaren bizitzan industrializazioak izan duen garrantzia ahaztezina da. Industrializazioarekin, ordura arte erabiltzen zen lan egiteko modua guztiz aldatu zen. Makina gizakiaren bizitzetan sartu zen eta guzti honek lan mundu berri baten hasiera ekarri zuen. Gizonak pixkanaka lantegietarako bidea hartu zuen, bertan produktua eta produkzioa zirelarik guztiaren oinarri. Lantegi bakoitza mundu isolatu bat bezala ulertua izan da, produktua eta bere produkzioa izango zirelarik bere bihotza. Berau gauzatzeko, makina izan zen ezagutzera eman zen gailu berria, produkzio eta lantegiaren bilakaera berri bat emango zuen oinarrizko elementuan bilakatu zelarik.
Denborak aurrera egin ahala, lantegiek ere bilakaera jasan dute. Jada ez da nahikoa produktu baten produkzioa garatzea. Orain, nahi eta nahitaezkoa da sortzen dugun produktua berriztatzaile edo berria izatea. Gizarteko gainontzeko beste produktuetatik nabarmendu beharko du, konpetentea izan beharko du. Horretarako, nahi eta nahi ez, produktu horrek eboluzionatzen joan beharko du eta ondoren etorriko denaren aurrerapauso moduan funtzionatu beharko du.
Beraz, nahi eta nahitaezkoa izango da lantegi hauek etengabe etorkizunera begira egotea, gizarteko bere posizioa mantendu nahi badute behintzat. Nabarmena da guzti honen aurrean produktuaren gizarterako sarrerak duen garrantzia. Beharrezkoa izango da produktua ondo saltzea eta gizarteari ezagutaraztea, iragarkiaren funtzioak ezinbesteko garrantzia hartuko duelarik.
Bilakaera guzti honetan makina eta beraren teknologia izango dira guztiaren oinarri. Berauek ahalbideratuko bait dute eboluzio guzti honen aurrerapausoa. Beraz, lantegia etengabe mugimenduan dagoen makina handi bat bezala ulertuko dugu, bai produkzio aldetik eta baita ere historian zehar beti ematen joan den eta ematen joango den bilakaerari dagokionez. Barneko makina, teknologia eta langile guztiak, lantegia den makina handi horren pieza txikitan ulertuak izango dira, denak osotasun batean funtzionatuko dutelarik. Etorkizunari aurre egin beharko dio eta mugimendua eta eboluzioa izango dira guztiaren gakoa.
Ondorio bezala, esan genezake makina dela industrializazioaren oinarria. Italieraz ibilgailua “macchina” da. Honek, mota honetako ibilgailuen asmaketa eta garapenak kultura industrialean izan duen garrantzia adierazten du. Beraz, ibilgailua oinarri harturik eta etengabe bilakatzen eta produzitzen doan elementua dela kontutan hartuz, berau izango da “Motor City” proiektuaren motorra. Izan zenaren aipamen eta etorkizunean teknologiak ekarriko duenaren islada hain zuzen ere.
Bestaldetik, aipatu beharra dago, SACEM-ek bere bizitza osoan zehar lantegi funtzioa izan duela. Fase ezberdinetan eraikitako lantegia izan da eta bere egitura, argiztapen, fatxada, sarrera irteera eta bolumetriari dagokionez, lantegi funtzioa izateko eraikia izan zela nabaria da. “Motor City” proiektuarekin, izaera aldetik begiratuz, SACEM-en ezaugarri guzti hauek funtzionaltasun berdina izatea lortu nahi izan da. Sinbolikoki lantegi osoak makina bat balitz bezala funtzionatzen jarraitzea bilatu da. Mugimenduan jarraituko du, bere betiko izaera mantenduaz. Zarata, mugimendua, eboluzioa, izan zena eta etorkizunean etorriko dena izango dira bere oinarri, eta italieraz “macchina”-en esanahia kontutan hartuz, ibilgailua (kasu honetan autoa) izango da proiektu berriaren oinarri.
“Motor City” proiektuarekin autoen gaineko teknologia gizarteratuko da, gizartea ibilgailuaren munduan murgilduz. Alde batetik, ibilgailuaren gaineko eraka handi baten moduan funtzionatuko du, autoa izango delarik guztiaren oinarria.
Egun gizartean dauden ibilgailuak ezagutaraziko dira eta honekin lotuta, berari dagozkion osagarri nahiz bitxikeria guztiak. Ezagutarazte honetan, autoa bere osotasunean hartua izango da, bere barneko azken tresnara iritsi arte.
Bestaldetik, autoaren gaineko ikerketa gunea izango du. Bertan erregaien gaineko ikerketa zentruak kokatuko dira eta ibilgailu hauek izango duten bilakaeraren gainean lanean jardungo dute. Beraz, esan genezake, “Motor City” proiektuarekin, SACEM teknologia berritzailearen sorgune eta ondoren erakustaldi gunean bilakatuko dela.
Bertan, bisitariak autoaren gaineko ezagutza guztia jaso eta probatzeko aukera izango du. Etorriko denaren eta egun dagoenaren teknologia berrienen ezagutza gunean bilakatuko da, guztiaren ABIAPUNTU hain zuzen ere.
Guzti honi erantzuna emanez, KM0 deituko da.
